കണ്ണൂർ: കണ്ണൂർ ജില്ലയിൽ തുടരുന്ന ശക്തമായ മഴയിൽ ദേശീയപാതയുടെ നിർമ്മാണത്തിലുള്ള സംരക്ഷണഭിത്തി ഇടിഞ്ഞുവീണു. മഴയെത്തുടർന്ന് മണ്ണൊലിപ്പ് രൂക്ഷമായതാണ് ഭിത്തി തകരാൻ കാരണം.
സംരക്ഷണഭിത്തി ഇടിഞ്ഞതിനെ തുടർന്ന് പ്രദേശത്ത് ഗതാഗത നിയന്ത്രണം ഏർപ്പെടുത്തിയിട്ടുണ്ട്. റോഡിന്റെ ഒരു ഭാഗത്ത് വിള്ളൽ വീണത് യാത്രക്കാർക്ക് ഭീഷണിയാകുന്നുണ്ട്. കൂടുതൽ അപകടങ്ങൾ ഒഴിവാക്കുന്നതിനായി അധികൃതരും പോലീസും സ്ഥലത്തെത്തി ആവശ്യമായ മുൻകരുതൽ നടപടികളും ഗതാഗത ക്രമീകരണങ്ങളും സ്വീകരിച്ചിട്ടുണ്ട്.
