കണ്ണൂർ: പിലാത്തറയിൽ വെച്ച് കാർ തടഞ്ഞുനിർത്തി വാഹനം തട്ടിക്കൊണ്ടുപോയി സ്വർണം കവർച്ച ചെയ്ത കേസിൽ മുഖ്യ സൂത്രധാരന്മാർ പയ്യന്നൂർ പോലീസിന്റെ പിടിയിലായി. ചിറ്റാരിപ്പറമ്പ് സ്വദേശികളായ പി. സായൂജ്, വി. ജിഷ്ണു, എം. സുന്ദരൻ എന്നിവരെയാണ് പോലീസ് അറസ്റ്റ് ചെയ്തത്.
കർണാടകയിലെ മൈസൂരിൽ നിന്നാണ് പയ്യന്നൂർ പോലീസ് സംഘം പ്രതികളെ സാഹസികമായി പിടികൂടിയത്. സംഭവത്തിന് ശേഷം ഒളിവിൽ കഴിയുകയായിരുന്നു ഇവർ. കവർച്ച നടത്തിയ സംഘത്തിലെ മറ്റുള്ളവരെക്കുറിച്ചും അന്വേഷണം പുരോഗമിക്കുകയാണ്.
പ്രതികളെ കണ്ണൂരിലെത്തിച്ച് വിശദമായി ചോദ്യം ചെയ്ത ശേഷം കോടതിയിൽ ഹാജരാക്കും. സംഭവത്തിന് പിന്നിൽ കൂടുതൽ ആളുകൾ ഉൾപ്പെട്ടിട്ടുണ്ടോയെന്നും പോലീസ് അന്വേഷിച്ച് വരികയാണ്.
