കണ്ണൂർ: മുംബൈ ക്രൈംബ്രാഞ്ച് ഉദ്യോഗസ്ഥൻ എന്ന വ്യാജേന വീഡിയോ കോളിലൂടെ 'ഡിജിറ്റൽ അറസ്റ്റ്' ഭീഷണി മുഴക്കി പണം തട്ടാൻ ശ്രമിച്ച കേസിലെ പ്രതിക്കായി പോലീസ് ലുക്ക് ഔട്ട് നോട്ടീസ് പുറപ്പെടുവിച്ചു. കണ്ണൂർ സിറ്റി സൈബർ ക്രൈം പോലീസാണ് അന്വേഷണം ഊർജിതമാക്കിയിരിക്കുന്നത്.
തട്ടിപ്പ് രീതി:
പരാതിക്കാരന്റെ പേരിൽ മണി ലോണ്ടറിംഗ് (Money Laundering) കേസ് രജിസ്റ്റർ ചെയ്തിട്ടുണ്ടെന്ന് വിശ്വസിപ്പിച്ചാണ് തട്ടിപ്പിന് തുടക്കമിട്ടത്. തുടർന്ന് പോലീസ് യൂണിഫോം ധരിച്ച് വാട്സ് ആപ്പ് വീഡിയോ കോളിൽ വന്ന പ്രതി, മുംബൈ ക്രൈംബ്രാഞ്ച് ഉദ്യോഗസ്ഥനാണെന്ന് അവകാശപ്പെടുകയും നിങ്ങൾ ‘ഡിജിറ്റൽ അറസ്റ്റിലാണെന്ന്’ അറിയിക്കുകയും ചെയ്തു. വ്യാജ രേഖകൾ കാണിച്ച് ഭയപ്പെടുത്തി വൻ തുക തട്ടിയെടുക്കാനായിരുന്നു പ്രതിയുടെ ശ്രമം.
പൊലീസ് സഹായം തേടുന്നു:
പ്രതിയുടെ ഫോട്ടോ പോലീസ് പുറത്തുവിട്ടിട്ടുണ്ട്. ഇയാളെക്കുറിച്ച് എന്തെങ്കിലും വിവരം ലഭിക്കുന്നവർ താഴെ പറയുന്ന നമ്പറുകളിലോ ഇമെയിൽ വിലാസത്തിലോ ബന്ധപ്പെടണമെന്ന് പോലീസ് അഭ്യർത്ഥിച്ചു.
* സൈബർ ക്രൈം പോലീസ് സ്റ്റേഷൻ കണ്ണൂർ സിറ്റി: 9497927694
* ഇൻസ്പെക്ടർ ഓഫ് പോലീസ്: 9497975778
* പോലീസ് സബ് ഇൻസ്പെക്ടർ: 9497935446
* ഇമെയിൽ: cyberpsknr.pol@kerala.gov.in
