തളിപ്പറമ്പ്: ദേശിയപാതയില്‍ തൃച്ചംബരം പെട്രോള്‍ പമ്പിന് സമീപം ബൈക്കുകള്‍ നേർക്കുനേർ കൂട്ടിയിടിച്ചു. മൂന്ന് പേർക്ക് പരിക്ക്.
ഏഴാംമൈല്‍ സ്വദേശി സജീവൻ ഇയാളുടെ കൂടെ ബൈക്കില്‍ ഉണ്ടായിരുന്ന ഇതര സംസ്ഥാന തൊഴിലാളി സലീം ചെറുപുഴ സ്വദേശിയും ഇടുക്കി കുട്ടിക്കാനം കെ.എ.പി അഞ്ചാം ബറ്റാലിയനിലെ പോലീസുകാരനായ ജിയോ എന്നിവർക്കാണ് പരിക്കേറ്റത്.
സജീവൻ്റെയും, ജിയോയുടെയും പരിക്ക് സാരമുള്ളതാണ്. സജീവനെ പരിയാരം കണ്ണൂർ മെഡിക്കല്‍ കോളെജിലും ജിയോയെ കണ്ണൂരിലെ സ്വകാര്യ ആശുപത്രിയിലും പ്രവേശിപ്പിച്ചു.
വ്യാഴാഴ്ച രാവിലെ 8.45 ഓടെയാണ് അപകടം. വിവരമറിഞ്ഞ് തളിപ്പറമ്പ് പോലീസ് സ്ഥലത്തെത്തി നിയമ നടപടികള്‍ സ്വീകരിച്ചു
