കണ്ണൂർ: മട്ടന്നൂർ ഹയർസെക്കൻഡറി സ്കൂളിൽ വച്ച് നടക്കുന്ന മട്ടന്നൂർ സബ്ജില്ല സ്കൂൾ കലോത്സവം 2024 ലോഗോപ്രകാശനം മട്ടന്നൂർ മുനിസിപ്പൽ ചെയർമാൻ എൻ ഷാജിത് മാസ്റ്റർ നിർവഹിച്ചു. ചടങ്ങിൽ മുൻസിപ്പൽ സ്റ്റാൻഡിങ് കമ്മിറ്റി ചെയർമാൻമാരായ വി കെ സുഗതൻ, മജീദ്, പ്രീത ശ്രീനാഥൻ പി, അനിത,പ്രസീന, വാർഡ് കൗൺസിലർ ശ്രീലത, സിമുൻസിപ്പൽ കൗൺസിലർമാർ, സ്കൂൾ മാനേജർ കൃഷ്ണകുമാർ കണ്ണോത്ത് മട്ടന്നൂർ എ ഇ ഒ രവീന്ദ്രൻ കെ, എച്ച് എം ഫോറം സെക്രട്ടറി അനിൽകുമാർ പിടിഎ പ്രസിഡണ്ട് എ കെ ശ്രീധരൻ വിവിധ സബ് കമ്മിറ്റി ചെയർമാൻമാർ കൺവീനർമാർ പങ്കെടുത്തു. ചടങ്ങിൽ ലോഗോ തയ്യാറാക്കിയ ഷിജിൻ കയനിയെ ആദരിക്കുകയും മട്ടന്നൂർറാൻസ് അക്കാഡമി സ്പോൺസർ ചെയ്ത ക്യാഷ് അവാർഡ് വിതരണവും നടന്നു. കലോത്സവ കമ്മിറ്റിയുടെ പ്രചരണാർത്ഥം തയ്യാറാക്കിയ സോഷ്യൽ മീഡിയ പേജ് ലോഞ്ചിംഗും നടന്നു. ചടങ്ങിൽ ജനറൽ കൺവീനർ പ്രീതി ടീച്ചർ സ്വാഗതവും ഹെഡ്മിസ്ട്രസ് സുധാമണി ടീച്ചർ നന്ദിയും രേഖപ്പെടുത്തി.
