കണ്ണൂർ: മുപ്പതോളം തെരുവുനായക്കളെ വിഷം കൊടുത്ത് കൊലപ്പെടുത്തിയെന്ന പരാതിയിൽ കണ്ണൂർ ടൗൺ പോലീസ് കേസെടുത്തു. തെരുവുനായക്കളുടെ സംരക്ഷകനായ മുഴത്തടം പൊതുവയിൽ ഹൗസിൽ രാജീവ് കുമാറിന്റെ പരാതിയിലാണ് പോലീസിന്റെ നടപടി.
കഴിഞ്ഞ ഓഗസ്റ്റ് 17-ന് രാത്രി 10 മണിക്കും 18-ന് രാവിലെ ഏഴ് മണിക്കും ഇടയിലുള്ള സമയത്താണ് സംഭവം നടന്നത്. താൻ സംരക്ഷിച്ചു പോന്നിരുന്ന തെരുവുനായക്കളെ ആരോ വിഷം നൽകി കൊലപ്പെടുത്തുകയായിരുന്നുവെന്നാണ് രാജീവ് കുമാറിന്റെ പരാതിയിൽ വ്യക്തമാക്കുന്നത്.
സംഭവത്തിൽ സി.എ. മഹേഷ് കണ്ടമ്പേത്തിന്റെ നേതൃത്വത്തിൽ പോലീസ് അന്വേഷണം ആരംഭിച്ചിട്ടുണ്ട്.
