കണ്ണൂർ: നിയമസഭ തെരഞ്ഞെടുപ്പില് തളിപ്പറമ്പ് മണ്ഡലത്തിലെ പരാജയത്തില് പാർട്ടി നേതാക്കളെ സമൂഹ മാധ്യമങ്ങളില് വിമർശിച്ച പ്രാദേശിക നേതാക്കള്ക്കെതിരെ നടപടിയുമായി സിപിഎം.
കീഴാറ്റൂർ ബ്രാഞ്ച് സെക്രട്ടറി കെ പി പ്രകാശൻ, കൂവേരി ലോക്കല് കമ്മിറ്റി അംഗം ഷൈജു ചാലപ്പുറത്ത് എന്നിവർക്ക് എതിരെയാണ് നടപടി എടുത്തത്.
പ്രകാശനെ ബ്രാഞ്ച് സെക്രട്ടറി സ്ഥാനത്ത് നിന്നും നീക്കി. ഷൈജുവിനെ എല് സി അംഗത്വത്തില് നിന്നും പുറത്താക്കി. പ്രകാശൻ നേരത്തെ സിപിഎം സംസ്ഥാന സെക്രട്ടറി എം വി ഗോവിന്ദനെയും ജയിംസ് മാത്യുവിനെയും വിമർശിച്ച് ഫേസ്ബുക്കില് കമന്റിട്ടിരുന്നു.
