കണ്ണൂർ: 2026 നിയമസഭാ തിരഞ്ഞെടുപ്പിനോടനുബന്ധിച്ച് മട്ടന്നൂർ, കൂത്തുപറമ്പ് നിയോജക മണ്ഡലങ്ങളിലെ തിരഞ്ഞെടുപ്പ് നടപടികൾ നിരീക്ഷിക്കുന്നതിനായി നിയമിതനായ പൊതു നിരീക്ഷകൻ മുഹമ്മദ് സോഹൈലുമായി പൊതുജനങ്ങൾക്ക് നേരിട്ട് സംവദിക്കാം. പരാതികൾ ബോധിപ്പിക്കുന്നതിനും തിരഞ്ഞെടുപ്പ് സംബന്ധമായ നിർദ്ദേശങ്ങൾ പങ്കുവെക്കുന്നതിനുമാണ് ഈ സൗകര്യം ഒരുക്കിയിരിക്കുന്നത്.
സന്ദർശന സമയവും സ്ഥലവും:
* മട്ടന്നൂർ റെസ്റ്റ് ഹൗസ്: ചൊവ്വ, വെള്ളി ദിവസങ്ങളിൽ രാവിലെ 9:00 മണി മുതൽ 12:00 മണി വരെ.
* പയ്യാമ്പലം ഗവ. ഗസ്റ്റ് ഹൗസ്: എല്ലാ ദിവസവും വൈകുന്നേരം 4:00 മണി മുതൽ 6:00 മണി വരെ.
തിരഞ്ഞെടുപ്പ് ചട്ടലംഘനങ്ങൾ ശ്രദ്ധയിൽപ്പെട്ടാലോ വോട്ടർപട്ടികയുമായി ബന്ധപ്പെട്ട പരാതികൾ ഉണ്ടെങ്കിലോ പൊതുജനങ്ങൾക്ക് ഈ സമയം നിരീക്ഷകനെ നേരിൽ കണ്ട് വിവരങ്ങൾ കൈമാറാവുന്നതാണ്. സുതാര്യവും നിഷ്പക്ഷവുമായ തിരഞ്ഞെടുപ്പ് ഉറപ്പുവരുത്തുന്നതിന്റെ ഭാഗമായാണ് കേന്ദ്ര തിരഞ്ഞെടുപ്പ് കമ്മീഷന്റെ ഈ നടപടി.
