കണ്ണൂർ: ബെവ്കോ ഔട്ട്ലെറ്റില് മദ്യ വില്പ്പന കുറഞ്ഞതിന് ഷോപ്പ് ഇൻ ചാർജിന് മെമ്മോ നല്കി ജനറല് മാനേജർ.
കണ്ണൂർ: കണ്ണൂർ പാറക്കണ്ടി ഷോപ്പിലെ ഷോപ്പ് ഇൻ ചാർജിനാണ് കുറ്റാരോപണ മെമ്മോ ലഭിച്ചത്.
കോഴിക്കോട് ജില്ലാ പരിശോധന വിഭാഗം നല്കിയ റിപ്പോർട്ട് പ്രകാരമാണ് മെമ്മോ നല്കിയത്.
വില്പ്പനയില് കഴിഞ്ഞ വർഷത്തേക്കാള് 10.16% കുറവ് ഉണ്ടായതായി കണ്ടെത്തിയിരുന്നു. വില്പ്പന കുറഞ്ഞതുമായി ബന്ധപ്പെട്ട് 15 ദിവസത്തിനകം വിശദീകരണം നല്കണമെന്നാണ് നിർദേശം.
ഔട്ട്ലെറ്റില് കഴിഞ്ഞ ഒരു വർഷമായി സിസിടിവി ഇല്ല ഇത് സ്ഥാപിക്കാനായി ഷോപ്പ് ഇൻ ചാർജിന് സാധിച്ചിട്ടില്ലെന്നും കണ്ടെത്തിയിട്ടുണ്ട്.
കഴിഞ്ഞ മാസമാണ് ഇൻ ചാർജിന് മെമ്മോ ലഭിച്ചത്. സംഭവത്തില് വിശദീകരണം നല്കിയില്ലെങ്കില് നടപടിയിലേക്ക് കടക്കുമെന്നും മുന്നറിയിപ്പുണ്ട്.
