കണ്ണൂർ-തലശ്ശേരി റൂട്ടിൽ സ്വകാര്യ ബസ് സമരം: യാത്രക്കാർ വലയും

 

ദേശീയപാത വികസനവുമായി ബന്ധപ്പെട്ട് നടാൽ മേഖലയിലെ യാത്രാക്ലേശത്തിന് പരിഹാരം കാണാത്തതിൽ പ്രതിഷേധിച്ചാണ് ബസ് ഉടമകൾ അനിശ്ചിതകാല സമരത്തിലേക്ക് നീങ്ങുന്നത്.

 തോട്ടട, നടാൽ മേഖലകളിലെ ഗതാഗത സൗകര്യം ഉറപ്പാക്കുന്നതിനായി അടിപ്പാത നിർമ്മിക്കുമെന്ന് അധികൃതർ നേരത്തെ അറിയിച്ചിരുന്നു. എന്നാൽ നിലവിൽ ഈ തീരുമാനത്തിൽ നിന്നും അധികൃതർ പിൻമാറിയതാണ് പ്രതിഷേധത്തിന് കാരണമായത്. കാനന്നൂർ ഡിസ്ട്രിക്ട് ബസ് ഓപ്പറേറ്റേഴ്‌സ് അസോസിയേഷൻ യോഗത്തിലാണ് സമര തീരുമാനം കൈക്കൊണ്ടത്.