കണ്ണൂർ: കണ്ണൂർ മുണ്ടേരിയിൽ ഓട്ടോറിക്ഷ പിന്നോട്ട് നീങ്ങിയത് പിടിച്ചുനിർത്താൻ ശ്രമിക്കുന്നതിനിടെ തലയിടിച്ച് വീണ ഓട്ടോ ഡ്രൈവർക്ക് ദാരുണാന്ത്യം. മുണ്ടേരി സ്വദേശി എ.പി. സുലൈമാൻ (62) ആണ് മരിച്ചത്.
ഓട്ടോ നിർത്തി ഗേറ്റ് തുറക്കുന്നതിനായി സുലൈമാൻ പുറത്തിറങ്ങിയ സമയത്താണ് ഓട്ടോ തനിയെ നിരങ്ങി നീങ്ങാൻ തുടങ്ങിയത്. ഓട്ടോ പിടിച്ചു നിർത്താൻ ശ്രമിക്കുന്നതിനിടെ ഇദ്ദേഹം കാൽതെറ്റി തലയിടിച്ച് വീഴുകയായിരുന്നു. ഉടൻ തന്നെ ചാലയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
മൃതദേഹം പോസ്റ്റ്മോർട്ടം നടപടികൾ പൂർത്തിയാക്കിയ ശേഷം ബന്ധുക്കൾക്ക് വിട്ടുനൽകി
