കണ്ണൂർ: ചുഴലിയില്‍ ലോറിയും ബൈക്കും കൂട്ടിയിടിച്ച്‌ യുവാവ് മരണപ്പെട്ടു.
ചുഴലി തോളൂർ സ്വദേശി മീത്തലേപുരയില്‍ അജുല്‍ രവീന്ദ്രനാണ് (20) മരിച്ചത്. എം.പി.പി.രവീന്ദ്രന്റെയും ബിന്ദുവിന്റെയും മകനാണ്.
സഹോദരൻ: മിജുല്‍ രവീന്ദ്രൻ. ചുഴലി കൂനത്ത് വെച്ച്‌ അജുല്‍ സഞ്ചരിച്ച കെ എല്‍.06. എച്ച്‌. 382 നമ്പർ ബൈക്കും കെ എല്‍. 59.ബി. 5784 നമ്പർ ലോറിയുമായി കൂട്ടിയിടിച്ചായിരുന്നു അപകടം.
ഗുരുതരമായി പരിക്കേറ്റ യുവാവിനെ നാട്ടുകാർ ആശുപത്രിയിലെത്തിച്ചുവെങ്കിലും ജീവൻ രക്ഷിക്കാനായില്ല. ശ്രീകണ്ഠാപുരം പോലീസ് മൃതദേഹം ഇൻക്വസ്റ്റ് നടത്തി. സംസ്ക്കാരം ശനിയാഴ്ച്ച വൈകുന്നേരം മൂന്നു മണിക്ക് ചെങ്ങളായി പഞ്ചായത്ത് ശ്മശാനത്തില്‍.
