പരിയാരം: മോഷണ കേസ് പ്രതി പരിയാരത്തെ കണ്ണൂർ മെഡിക്കൽ കോളേജിലെ വാർഡിൽ നിന്നും രക്ഷപ്പെട്ട കുപ്രസിദ്ധ മോഷ്ടാവ് മണിക്കൂറുകള്‍ക്കുള്ളില്‍ പൊലിസ് പിടിയില്‍.
മോഷണ കേസിൽ പയ്യന്നൂർ പൊലിസ് അറസ്റ്റു ചെയ്ത കൊല്ലം സ്വദേശി തീവെട്ടി ബാബുവാണ് പരിയാരത്തെ കണ്ണൂർ മെഡിക്കൽ കോളേജിൽ ചികിത്സയിലിരിക്കെ വ്യാഴാഴ്ച്ച രാവിലെ 11 ഓടെ കസ്റ്റഡിയിൽ നിന്നും രക്ഷപ്പെട്ടത്. ഇന്ന് ഉച്ചയോടെയാണ് ഏമ്പേറ്റ് ഗ്രൗണ്ടിന് സമീപം വെച്ചു പ്രതി പൊലിസ് പിടിയിലായത്.
പരിയാരം പൊലിസ് കേസെടുത്ത് അന്വേഷണം ഊർജ്ജിതമാക്കിയിരുന്നു.
ഇയാളെ കണ്ടെത്തുന്നതിന് വേണ്ടി സോഷ്യൽ മീഡിയയയിൽ ഫോട്ടോയും പോലീസ് പോസ്റ്റ് ചെയ്തിരുന്നു.
നിരവധി മോഷണ കേസിലെ പ്രതിയാണ് തീവെട്ടി ബാബു' ജയിലില്‍ കഴിയവെ അസുഖ ബാധിതനായതിനെ തുടര്‍ന്നാണ് ഇയാളെ കഴിഞ്ഞ ദിവസം മെഡിക്കല്‍ കോളേജാശുപത്രിയില്‍ പ്രവേശിപ്പിച്ചത്.
പ്രതിയെ കോടതിയില്‍ ഹാജരാക്കുമെന്ന് പൊലിസ് അറിയിച്ചു. നിരവധി വീടുകളിലും കടകളിലും മോഷണം നടത്തി കേസിലെ പ്രതിയാണ് തീവെട്ടി ബാബു.
