തിരുവനന്തപുരം: ജയിൽവകുപ്പിൽ സ്ഥലംമാറ്റം വിധിച്ച് പുതിയ ഉത്തരവ്. കണ്ണൂർ ജില്ലാ ജയിലിന്റെ പുതിയ സൂപ്രണ്ടായി ഹൊസ്ദുർഗ് ജില്ലാ ജയിലിലെ സൂപ്രണ്ട് വി.വി. സൂരജിനെ നിയമിച്ചു. നിലവിലെ കണ്ണൂർ ജില്ലാ ജയിൽ സൂപ്രണ്ട് കെ.കെ. റിനിയെ കണ്ണൂർ സെൻട്രൽ ജയിലിലേക്ക് മാറ്റിയിരിക്കുകയാണ്.
കണ്ണൂർ സെൻട്രൽ ജയിലിലെ ജോയിന്റ് സൂപ്രണ്ട് എൻ. ഗിരീഷ് കുമാറിനെ കാസർകോട് ജില്ലാ ജയിലിന്റെ സൂപ്രണ്ടായി നിയോഗിച്ചു. സംസ്ഥാനത്തെ വിവിധ ജയിലുകളിൽ നിന്നുള്ള എട്ട് ഉദ്യോഗസ്ഥർക്കാണ് ഇപ്പോഴത്തെ സ്ഥാനമാറ്റവും തസ്തികമാറ്റവുമുണ്ടായത്.
സാധാരണ നടപടിയുടെ ഭാഗമായാണ് സ്ഥലംമാറ്റം നടത്തുന്നതെന്നാണ് ജയിൽ വകുപ്പ് ഉദ്യോഗസ്ഥരുടെ വിശദീകരണം.
