കണ്ണൂർ: ചെറുനാരങ്ങ കച്ചവത്തിന്റെ മറവില്‍ ലഹരി വിൽപ്പന. പുതിയങ്ങാടിയില്‍ മെത്തഫിറ്റമിനുമായി യുവാവ് അറസ്റ്റില്‍. 3.562 ഗ്രാം മെത്തഫിറ്റമിനുമായി കുഞ്ഞി അഹമ്മദ് പിയെയാണ് എക്സൈസ് സഘം അറസ്റ്റ് ചെയ്തത്.
പാപ്പിനിശ്ശേരി എക്സൈസ് റെയിഞ്ച് ഇൻസ്പെക്ടർ ജസീറലിയും സംഘവും ഉത്തര മേഖല എക്സൈസ് കമ്മിഷണർ സ്ക്വാഡ് അംഗം നല്‍കിയ രഹസ്യ വിവരത്തിൻ്റെ അടിസ്ഥനത്തില്‍ നടത്തിയ പരിശോധനയിലാണ് പുതിയങ്ങാടി ഇട്ടമ്മല്‍ ഉളള വീട്ടില്‍ വെച്ച്‌ പ്രതിയെ പിടികൂടിയത്.
വണ്ടിയില്‍ ചെറുനാരങ്ങ കച്ചവടം ചെയ്യുന്നതിൻ്റെ മറവില്‍ വീടുകള്‍ വടകയിക്ക് എടുത്ത് രാത്രി കാലങ്ങളില്‍ ലഹരി പാർട്ടി നടത്തി നിരവധി യുവതി യുവാക്കള്‍ ഇവരെ കേന്ദ്രികരിച്ച്‌ വന്നു കൊണ്ടിരുന്നു. പഴയങ്ങാടി പുതിയങ്ങാടി വെങ്ങര , ചെമ്പല്ലിക്കുണ്ട്, ഏഴിലോട് പിലത്തറ കേന്ദ്രികരിച്ച്‌ വില്‍പ്പനക്ക് നേതൃത്വം നല്‍കുന്നത് കുഞ്ഞി അഹമ്മദ് ആണ്. പ്രതിയെ തുടർ നടപടികള്‍ക്കായി കോടതിയില്‍ ഹാജരാക്കും.
ഇതര സംസ്ഥാനങ്ങളില്‍ നിന്നും ലോറിയില്‍ ഡ്രൈവർ എന്ന പേരില്‍ പോയി മെത്തഫിറ്റമിനും മറ്റ് ലഹരി ഉല്‍പ്പനങ്ങളും കുട്ടികള്‍ക്കും കോളേജ് വിദ്യർഥികള്‍ക്കും എത്തിച്ച്‌ നല്‍കുന്ന വിതരണ ശൃഖലയില്‍ ഉള്ള ആള്‍ ആണ് കുഞ്ഞി അഹമ്മദ്.
റെയ്ഡ് നടത്തിയ സംഘത്തില്‍ അസി: എക്സൈസ് ഇൻസ്പെക്ടർ (ഗ്രേഡ്) സജിത്ത് കുമാർ പി.എം.കെ , പ്രിവൻ്റിവ് ഓഫിസർ (ഗ്രേഡ് ) രജിരാഗ് പി.പി (എക്സൈസ് കമ്മിഷണർ സ്ക്വാഡ് അംഗം).സിവില്‍ എക്സൈസ് ഓഫിസർ സനിബ് . കെ, വിവേക് .എം.കെ വനിത സിവില്‍ എക്സൈസ് ഓഫിസർ ഷൈമ. കെ.വി എന്നിവരും ഉണ്ടായിരുന്നു.
