കണ്ണൂർ:ക്വാറി ഉൽപ്പന്നങ്ങളുടെ വില വർധന സംബന്ധിച്ച് കലക്ടറേറ്റിൽ നടന്ന ചർച്ചയിൽ ഒത്തുതീർപ്പായി. 2023ലെ ചർച്ചയിൽ അംഗീകരിച്ച വിലയിൽ നിന്നും നാല് രൂപ കൂട്ടാൻ തീരുമാനിച്ചു. ജില്ലയിലെ വിവിധ ക്വാറികളിൽ രണ്ടുതവണയായി 11 രൂപ വരെ വർധിപ്പിച്ചതു സംബന്ധിച്ച പരാതിയെ തുടർന്നാണ് ചർച്ച നടന്നത്.
ചർച്ചയിൽ കണ്ണൂർ എഡിഎം സി പദ്മചന്ദ്ര കുറുപ്പ്, ജിയോളജി, ലീഗൽ മെട്രോളജി ഉദ്യോഗസ്ഥർ, കണ്ണൂർ ക്വാറി ഇസി ഹോൾഡേഴ്‌സ് അസോസിയേഷൻ, നിർമ്മാണ മേഖല സംയുക്ത സമര സമിതി, ഗവ. കോൺട്രാക്‌ടേഴ്‌സ് അസോസിയേഷൻ ജില്ലാ കമ്മിറ്റി, കൺസ്ട്രക്ഷൻ വർക്കേഴ്‌സ് സൂപ്പർവൈസേഴ്‌സ് അസോസിയേഷൻ, വിവിധ തൊഴിലാളി സംഘടനാ നേതാക്കൾ എന്നിവർ പങ്കെടുത്തു.
അനിയന്ത്രിതമായി വിലവർധനവ് പ്രഖ്യാപിച്ചതിനെ തുടർന്ന് വിവിധ സംഘടനകൾ പ്രതിഷേധവുമായി രംഗത്ത് എത്തിയിരുന്നു
