പുതിയ അപ്‌ഡേഷനുമായി വാട്‌സ്‌ആപ്പ്. ഇനി ചാറ്റുകള്‍ മാത്രമല്ല സന്ദേശങ്ങളും പിന്‍ വാട്‌സ്‌ആപ്പില്‍ പിന്‍ ചെയ്യാനാകും.
ഇതോടെ പിന്‍ ചെയ്തിരിക്കുന്ന സന്ദേശം ചാറ്റ് വിന്‍ഡോയുടെ മുകളിലായി പ്രത്യക്ഷപ്പെടും. ഒരു സമയത്ത് ഒരു സന്ദേശം മാത്രമാണ് പിന്‍ചെയ്യാന്‍ സാധിക്കുക. ഫീച്ചര്‍ ഉപയോക്താക്കളിലേക്ക് എത്തിത്തുടങ്ങിയിട്ടുണ്ട്.
വ്യക്തിഗത ചാറ്റിലും ഗ്രൂപ്പ് ചാറ്റിലും ഫീച്ചര്‍ ലഭ്യമാണ്. സന്ദേശങ്ങള്‍ മാത്രമല്ല, പോളുകള്‍, ഇമോജി, ലൊക്കേഷന്‍, ചിത്രങ്ങള്‍ എന്നിവയെല്ലാം പിന്‍ ചെയ്യാനാകും. ആന്‍ഡ്രോയിഡില്‍ പിന്‍ ചെയ്യുന്നതിനായി സന്ദേശത്തില്‍ ലോങ് പ്രെസ് ചെയ്യുക. ശേഷം സ്‌ക്രീനിന്റെ വലതുവശത്തുള്ള ത്രി ഡൊട്ട് മെനുവില്‍ ക്ലിക്ക് ചെയ്ത് പിന്‍ എന്ന ഓപ്ഷന്‍ തിരഞ്ഞെടുക്കുക.
ആപ്പിള്‍ ഡിവൈസുകളില്‍ സന്ദേശത്തില്‍ സൈ്വപ് ചെയ്താല്‍ പിന്‍ ഓപ്ഷന്‍ ലഭിക്കുന്നതാണ്. സന്ദേശം എത്ര സമയം പിന്‍ ചെയ്തു വെക്കണമെന്നും ഉപയോക്താവിന് തിരഞ്ഞെടുക്കാം. 24 മണിക്കൂര്‍, ഏഴ് ദിവസം, 30 ദിവസം എന്നിങ്ങനെ മൂന്ന് ഓപ്ഷനുകളാണുള്ളത്
#tag:
General