പറശ്ശിനിക്കടവ്: വിസ്മയ പാർക്കിലെ ജീവനക്കാരനും സി.പി.എം. ഈലിപ്പുറം ബ്രാഞ്ച് മെമ്പറുമായ കെ.വി. മുരളീധരൻ (53) നെ റോഡിൽ വീണുകിടക്കുന്ന നിലയിൽ കണ്ടെത്തിയതിനെത്തുടർന്ന് മരണപ്പെട്ടു. വെള്ളിക്കീൽ കൈരളി വായനശാലക്ക് സമീപത്തെ തെക്കൊൽ കാപ്പാടൻ വീട്ടിൽ അംഗമാണ് അദ്ദേഹം.
ഇന്നലെ രാവിലെ 11:00 മണിയോടെ ഈലിപ്പുറം കൈരളി വായനശാല റോഡിൽ വെച്ചാണ് മുരളീധരനെ വീണുകിടക്കുന്ന നിലയിൽ കണ്ടത്. ഉടൻതന്നെ തളിപ്പറമ്പ് സഹകരണ ആശുപത്രിയിലും തുടർന്ന് കണ്ണൂർ ഗവ. മെഡിക്കൽ കോളേജിലും എത്തിച്ചുവെങ്കിലും ജീവൻ രക്ഷിക്കാനായില്ല.യി
പരേതനായ കുഞ്ഞിരാമൻ- ജാനകി ദമ്പതികളുടെ മകനാണ് മുരളീധരൻ. ഭാര്യ: പ്രിയ. മകൻ: ആദർശ്.
സഹോദരങ്ങൾ: ഷാജി (മോറാഴ ബാങ്ക്), ഷീജ (വാരംകടവ്), രാജേഷ്, കനകരാജ്.
നാട്ടുകാർക്കും പാർട്ടി പ്രവർത്തകർക്കും പ്രിയങ്കരനായ മുരളീധരൻ്റെ വിയോഗം നാടിന് ദുഃഖമായി. മൃതദേഹം ഇന്ന് (29/11/2025) രാവിലെ 11 മണിവരെ കൈരളി വായനശാലയിൽ പൊതുദർശനത്തിന് വെക്കും. തുടർന്ന് 11.30-ന് സംസ്‌കാരം നടക്കും.
