പഴയങ്ങാടി: പുതിയങ്ങാടിയില്‍ വാടക ക്വാർട്ടേഴ്സില്‍ നിന്നും പാചക വാതക സിലിൻഡർ ചോർച്ചയെ തുടർന്നുണ്ടായ തീപ്പിടുത്തത്തില്‍ അതീവ ഗുരുതരമായി പൊള്ളലേറ്റ ഒഡീഷ സ്വദേശി പരിയാരത്തെ കണ്ണൂർ മെഡിക്കല്‍ കോളേജില്‍ ചികിത്സയിലിരിക്കെ മരണമടഞ്ഞു.
ഒഡീഷ സ്വദേശി സുഭാഷ് ബഹ്റയാ (50)ണ് ഇന്ന് പുലർച്ചെ മരണമടഞ്ഞത്.
കഴിഞ്ഞ വെള്ളിയാഴ്ച്ച പുലർച്ചെ ആറു മണിക്കാണ് അപകടം. പാചകം ചെയ്യുന്നതിനായി കത്തിച്ചപ്പോള്‍ സിലിൻഡറില്‍ നിന്നും തീ ആളിപ്പടരുകയായിരുന്നു.
അപകടത്തില്‍ നാല് പേർക്കാണ് പൊള്ളലേറ്റത് ഒഡീഷ സ്വദേശികളായ ശിവ (31) നിഗം (40) ജിത്തു (28) എന്നിവർ കണ്ണൂർ മെഡിക്കല്‍ കോളേജാശുപത്രിയില്‍ ചികിത്സയിലാണ്.
