പരിയാരം: മക്കളുമായികിണറ്റിൽ ചാടികുട്ടി മരിച്ച സംഭവത്തിൽ യുവതിയെ പോലീസ് അറസ്റ്റു ചെയ്തു. കോടതി പ്രതിയെ റിമാന്റു ചെയ്തു. സംഭവങ്ങൾക്ക് കാരണകാരിയായ പരിയാരം പോലീസ് കേസെടുത്ത യുവതിയുടെ ഭർതൃമാതാവിന് കോടതി ജാമ്യം അനുവദിച്ചു.
കണ്ണപുരം കീഴറ വള്ളുവൻകടവിലെ പി.പി.ധനജയെ(30)യെയാണ് പരിയാരം പോലീസ് കൊലക്കുറ്റത്തിന് അറസ്റ്റ് ചെയ്തത്.
മകന്റെ ഭാര്യ എന്ന പരിഗണന കൊടുക്കാതെ ജീവിക്കാൻവിടില്ലെന്ന് ഭീഷണിപ്പെടുത്തി ഭർത്താവ് ശ്രീസ്ഥയിലെധനേഷിന്റെ മാതാവ് ശ്യാമളയുടെ നിരന്തര ശാരീരിക മാനസിക പീഡനങ്ങളിൽ മനംനൊന്താണ് ധനജ രണ്ട് മക്കളേയും കിണറിലെറിഞ്ഞ് സ്വയം കിണറിലേക്ക് ചാടിയത്.
ചികിത്സക്കിടെ ആറുവയസുകാരൻ ധ്യാൻകൃഷ്ണ മരിച്ചു തുടർന്ന് ധനജയുടെ പേരിൽ പരിയാരം പോലീസ് കൊലക്കുറ്റത്തിന് കേസെടുത്തിരുന്നു. ജൂലായ് 30 ന് ഉച്ചക്ക് 12 നായിരുന്നു കേസിനാസ്പദമായ സംഭവം നടന്നത്.
അമ്മ ധനജയും ഇളയകുട്ടി ദേവികയും കണ്ണൂർ ഗവ.മെഡിക്കൽ കോളേജ് ആശുപത്രിയിൽ ചികിൽസയിലായിരുന്നു.ധനജയുടെ തുടർചികിൽസ ജയിൽ അധികൃതരുടെ മേൽനോട്ടത്തിലായിരിക്കും നടത്തുക. ധനജയുടെ ആത്മഹത്യശ്രമത്തിന് കാരണക്കാരിയായ ഭർതൃമാതാവ് ശ്യാമളയുടെ പേരിൽ പോലീസ് നേരത്തെ കേസെടുത്തിരുന്നു.
