കണ്ണൂർ : സംസ്ഥാനത്തെ സർക്കാർ, എയ്‌ഡഡ് ഹയർ സെക്കൻഡറി സ്കൂളുകളിലേക്കുള്ള പ്ലസ് വൺ പ്രവേശനത്തിന് വിദ്യാർഥികളിൽ നിന്ന് അനധികൃത ഫീസീടാക്കുന്നത് തടയാൻ പ്രത്യേക സ്ക്വാഡ്.
സ്ക്വാഡിന്റെ നേതൃത്വത്തിൽ മിന്നൽ പരിശോധനകൾ നടത്തും. പ്രവേശനത്തിന്റെ അലോട്ട്മെന്റ് കത്തിൽ രേഖപ്പെടുത്തിയിട്ടുള്ള ഫീസ് മാത്രമേ വാങ്ങാവൂവെന്ന് പ്രിൻസിപ്പൽമാർക്ക് നിർദേശം നൽകിയിട്ടുണ്ട്.
അനധികൃത പിരിവ് കണ്ടെത്തിയാൽ സ്കൂൾ അധികൃതർക്ക് എതിരെ അച്ചടക്ക നടപടികൾ സ്വീകരിക്കും. പ്ലസ് വൺ പ്രവേശനത്തിന്റെ ആദ്യ അലോട്ട്മെന്റിൽ സീറ്റ് ലഭിച്ചവരുടെ പ്രവേശനം വെള്ളി വൈകിട്ട് അഞ്ചിന് അവസാനിക്കും.
പരാതി നൽകാൻ: ഇമെയിൽ ictcelldhse@gmail.com. 📲PH: 0471 2580508, 580522, 529855, 2580742, 2580730