Thalassery

തലശ്ശേരി : തലശ്ശേരിയിൽ ടൗണിലേക്ക് യാത്ര ചെയ്യുകയായിരുന്ന യുവതിയെ ഓട്ടോയിൽവെച്ച് മാനഭംഗപ്പെടുത്താൻ ശ്രമം.മാനഭംഗ ശ്രമം എതിർത്ത യുവതിയെ ഓട്ടോറിക്ഷയിൽ നിന്ന് തള്ളിയിട്ട് പരിക്കേൽപ്പിക്കുകയും ചെയ്തു.പ്രതികളായ ഓട്ടോ ഡ്രൈവർ വയലളം നങ്ങാറത്ത് പീടികയിലെ പ്രദീപൻ (60), യാത്രക്കാരനായിരുന്ന ചെമ്പിലോട് സ്വദേശി വിനോദൻ (56) എന്നിവരെ ന്യൂമാഹി എസ്.ഐ: അനീഷ് അറസ്റ്റ് ചെയ്തു.

കഴിഞ്ഞദിവസം രാത്രി എട്ട് മണിയോടെയായിരുന്നു സംഭവം. കോടിയേരി പാറാൽ സ്വദേശിനിയായ 47 കാരിയാണ് മാനഭംഗത്തിനിരയായത്.
ഓട്ടോക്ക് കൈകാണിച്ച് കയറിയ യുവതിയെ ഓട്ടോയിൽ ഡ്രൈവർക്കൊപ്പമുണ്ടായിരുന്നയാൽ യുവതിയോട് അപമര്യാദയായി പെരുമാരുകയായിരുന്നു . യുവതി എതിർത്തോടെ വഴിയിൽ തള്ളിയിട്ട ശേഷം ഓട്ടോറിക്ഷയുമായി പ്രതികൾ കടന്നുകളഞ്ഞു.
മുഖത്തും ചെവിക്കും മുറിവേറ്റ യുവതി നേരിട്ട് ന്യൂ മാഹി പോലീസ് സ്റ്റേഷനിലെത്തി പരാതി നൽകുകയായിരുന്നു.ന്യൂ മാഹിപോലീസ് രാത്രി തന്നെ അന്വേഷണം ആരംഭിക്കുകയും പ്രതികളെ അറസ്റ്റ് ചെയ്യുകയും ചെയ്തു.

തലശ്ശേരി : കണ്ണൂർ സർവ്വകലാശാലക്ക് കീഴിലുള്ള പാറാൽ ദാറുൽ ഇർഷാദ് അറബിക് കോളേജിൽ അറബിക്, ഇംഗ്ലീഷ് വിഷയങ്ങളിൽ ഗസ്റ്റ് അധ്യാപകരെ നിയമിക്കുന്നു.
മെയ് 31 രാവിലെ 10 മണിക്ക് യുജി / പിജി അറബിക് വിഭാഗത്തിലേക്കും 10.30 ന് അഫ്സലുൽ ഉലമ പ്രിലിമിനറി വിഭാഗത്തിലേക്കും 11 മണിക്ക് ഇംഗ്ലീഷ് വിഭാഗത്തിലേക്കുമുള്ള അഭിമുഖം കോളേജിൽ വെച്ച് നടക്കും.
കോഴിക്കോട് കോളേജ് വിദ്യാഭ്യാസ ഡെപ്യൂട്ടി ഡയറക്ടറുടെ കാര്യാലയത്തിൽ രജിസ്റ്റർ ചെയ്ത ഉദ്യോഗാർത്ഥികൾക്ക് പങ്കെടുക്കാം.
ഫോൺ: 9446650834, 9947138706

കണ്ണൂര്‍: പിണറായിയില്‍ തിളച്ച പാല്‍ നല്‍കി അഞ്ചു വയസുകാരന് പൊള്ളലേറ്റ സംഭവത്തില്‍ അംഗനവാടി അധ്യാപികക്ക് സസ്‌പെന്‍ഷന്‍. അംഗന്‍വാടി അധ്യാപിക വി രജിത, ഹെല്‍പ്പര്‍ വി ഷീബ എന്നിവരെയാണ് സസ്‌പെന്‍ഡ് ചെയ്തത്.

ജീവനക്കാര്‍ക്ക് വീഴ്ച സംഭവിച്ചെന്നും പൊള്ളലേറ്റിട്ടിട്ടും മേലധികാരികളെ അറിയിക്കാത്തത് പിഴവാണെന്നും കണ്ടെത്തിയതിനെത്തുടര്‍ന്നാണ് നടപടി.

സംസാരിക്കാന്‍ ബുദ്ധിമുട്ടുള്ള കുട്ടിക്ക് പൊള്ളലേറ്റിട്ടും ഉടന്‍ തന്നെ ആശുപത്രിയില്‍ എത്തിക്കാന്‍ അംഗന്‍വാടി ജീവനക്കാര്‍ തയ്യാറായില്ലെന്ന് കുട്ടിയുടെ അച്ഛന്‍ ആരോപിച്ചിരുന്നു.

ഈ മാസം ഏഴാം തിയതിയാണ് സംഭവം. മകന്റെ കീഴ്ത്താടിയില്‍ തൊലി പോകുന്നുണ്ടെന്ന് പറഞ്ഞ് കുട്ടിയുടെ അമ്മയെ അംഗന്‍വാടി ജീവനക്കാര്‍ വിളിച്ചു പറയുകയായിരുന്നു. കുട്ടിയുടെ വായും നാവും താടിയും മുഴുവനായി പൊള്ളലേറ്റ നിലയിലായിരുന്നു. കുട്ടിക്ക് പാല്‍ കൊടുത്തതാണെന്നായിരുന്നു ജീവനക്കാര്‍ പറഞ്ഞത്. തിളച്ച പാല്‍ കൊടുത്ത ശേഷം തുണി കൊണ്ട് തുടച്ചു. തുടച്ചപ്പോള്‍ തൊലി മുഴുവന്‍ ഇളകി വന്നു. ആശുപത്രിയില്‍ കൊണ്ടുപോകാനും തയ്യാറായില്ലെന്ന് കുട്ടിയുടെ പിതാവ് പറഞ്ഞിരുന്നു. സംഭവത്തില്‍ പൊലീസ് കേസെടുത്ത് അന്വേഷണം നടക്കുന്നതിനിടെയാണ് നടപടി

തലശേരി:ഗവ .ബ്രണ്ണൻ കോളേജ് ഓഫ് ടീച്ചർ എഡ്യൂക്കേഷനിൽ ഫിസിക്കൽ സയൻസ്, നാച്വറൽ സയൻസ്, ഇംഗ്ലീഷ്, ഫൗണ്ടേഷൻ ഓഫ് എഡ്യൂക്കേഷൻ, പെർഫോമിങ് ആർട്‌സ്, ഫൈൻ ആർട്‌സ് എന്നീ വിഷയങ്ങളിൽ ഗസ്‌റ്റ് അധ്യാപകരെ നിയമിക്കുന്നു. കോളേജ് വിദ്യാഭ്യാസ വകുപ്പ് ഡെപ്യൂട്ടി ഡയറക്ടറേറ്റിന്റെ www.collegiateedu.kerala. gov.in വെബ്സൈറ്റ് മുഖാന്തരം രജിസ്റ്റർചെയ്ത ഉദ്യോഗാർഥികൾക്ക് അപേക്ഷിക്കാം. ബന്ധപ്പെട്ട വിഷയത്തിൽ 55 ശതമാനം മാർക്കോടുകൂടി ബിരുദാനന്തര ബിരുദവും (ഒബിസി നോൺക്രീമിലെയർ, ഭിന്നശേഷി വിഭാഗക്കാർക്ക് 50 ശതമാനം മാർക്ക് മതി) എംഎ ഡും നെറ്റ്/പിഎച്ച്ഡിയും ഉണ്ടായിരിക്കണം. അഭിമുഖം 22ന് രാവിലെ 10.30ന് കോളേ ജിൽ നടക്കും. ഫോൺ: 0490
2320227, 9567239932

തലശ്ശേരി : യാത്രക്കാരില്ലാത്തതിനാൽ കെ.എസ്.ആർ.ടി.സി.യുടെ ഡബിൾഡക്കർ ബസ് ഓട്ടം നിർത്തി. ഫെബ്രുവരിയിലാണ് തിരുവനന്തപുരത്തുനിന്ന് ബസ് തലശ്ശേരിയിലെത്തിച്ചത്. ഫെബ്രുവരി 22-ന് മന്ത്രി കെ.ബി.ഗണേഷ്‌കുമാറും സ്പീക്കർ എ.എൻ.ഷംസീറും യാത്ര ചെയ്താണ് ഉദ്ഘാടനം ചെയ്തത്.ഇതിനുശേഷം മാർച്ച് ആദ്യവാരം തലശ്ശേരി കാർണിവൽ വരെ യാത്രക്കാരുണ്ടായിരുന്നു. ഇതിനുശേഷം യാത്രക്കാർ കുറഞ്ഞു. ഇതോടെയാണ് ഓട്ടം നിർത്തിയത്. ആളുകൾ മുൻകൂട്ടി ആവശ്യപ്പെടുന്ന പ്രകാരം വിനോദസഞ്ചാര കേന്ദ്രങ്ങളിലൂടെയാണ് യാത്ര. 40 ആളുകൾവരെ ഉണ്ടെങ്കിൽ മാത്രമേ ബസ് ഓടൂ.

ഒരാൾക്ക് 250 രൂപയാണ് ടിക്കറ്റ് നിരക്ക്. ഉച്ചയ്ക്ക് രണ്ടരയ്ക്ക് തുടങ്ങി എട്ടരയ്ക്ക് തിരിച്ചെത്തുന്ന തരത്തിലാണ് യാത്ര. ഉച്ചയ്ക്കുള്ള കഠിനമായ ചൂട് യാത്രയെ ബാധിച്ചു. ചൂടിന് യാത്രചെയ്യാൻ ആളുകൾക്ക് താത്‌പര്യമില്ല. ഇപ്പോൾ മൂന്നും നാലും ആളുകൾ മാത്രമാണ് യാത്രയ്ക്കുണ്ടാകുന്നത്. മൂന്നുപേർക്ക് മാത്രം ബസ് ഓടിയാൽ നഷ്ടമാകും. ചൂട്മാറി മഴ വന്നാൽ മുകൾഭാഗത്ത് മേൽക്കൂരയില്ലാത്തതിനാലും യാത്ര ബുദ്ധിമുട്ടാകും. തിരുവവന്തപുരത്തും കൊച്ചിയിലും മാത്രം കാണുന്ന ഡബിൾഡക്കർ തലശ്ശേരിയിലെത്തിയപ്പോൾ ആളുകൾക്ക് കൗതുകമായിരുന്നു. ബസിന്റെ താഴത്തെ നിലയിൽ 28 ആളുകൾക്ക് ഇരിക്കാനുളള സീറ്റും രണ്ട് മേശയുമുണ്ട്.

മുകളിലത്തെ നിലയിൽ 21 പേർക്ക് ഇരിക്കാനുള്ള സൗകര്യമുണ്ട്. തലശ്ശേരി പൈതൃക ടൂറിസം പദ്ധതി ജനകീയമാക്കുകയെന്ന ലക്ഷ്യത്തോടെ സ്പീക്കർ എ.എൻ.ഷംസീർ മുൻകൈയെടുത്താണ് ബസ് തലശ്ശേരിയിലെത്തിച്ചത്. തലശ്ശേരി ഡിപ്പോയിൽനിന്ന് തുടങ്ങി ഇല്ലിക്കുന്ന് ഗുണ്ടർട്ട് ബംഗ്ലാവ്, കോടതി, ഓവർബറീസ്‌ ഫോളി, കോട്ട, ഗോപാലപ്പേട്ട വഴി മാഹിയിലെത്തും.മാഹി ബസിലിക്ക പള്ളി, മാഹി പുഴയോര നടപ്പാതയിൽനിന്ന് ബൈപ്പാസിലൂടെ മുഴപ്പിലങ്ങാട് ബീച്ച് സന്ദർശിച്ച് തലശ്ശേരി വരെയാണ് യാത്ര. 40 പേർ ആവശ്യപ്പെട്ടാൽ യാത്ര ചെയ്യാൻ കെ.എസ്.ആർ.ടി.സി. അധികൃതർ തയ്യാറാണ്.

തലശ്ശേരി : ഡ്രൈവിങ് ടെസ്റ്റിലെ അപാകതകൾ പരിഹരിക്കണമെന്നാവശ്യപ്പെട്ട് ആൾ കേരള മോട്ടോർ ഡ്രൈവിങ് സ്‌കൂൾ ഇൻസ്ട്രക്ടേഴ്‌സ് അസോസിയേഷൻ്റെ ആഭിമുഖ്യത്തിൽ തലശേരി മൂന്നാം മൈലിലെ ആർ ടി ഒ ഓഫിസിലേക്ക് മാർച്ചും പ്രകടനവും നടത്തി.ജില്ലാ സെക്രട്ടറി ഷാജി അക്കരമേൽ ഉദ്ഘാടനം ചെയ്‌തു. താലൂക്ക് സെക്രട്ടറി ടി കെ ഷാജി, പ്രസിഡൻ്റ് ടി സി മനോജ് എന്നിവർ പങ്കെടുത്തു.

തലശ്ശേരി: തലശ്ശേരിയിൽ ആൾതാമസമില്ലാത്ത വീടുകളിൽ മോഷണശ്രമം. കഴിഞ്ഞ രണ്ട് ദിവസങ്ങളിലായാണ് ചിറക്കര പള്ളിത്താഴ, എസ്എസ് റോഡ് എന്നിവിടങ്ങളിലെ രണ്ട് വീടുകളിൽ മോഷണ ശ്രമം നടന്നത്. നഗരസഭ പരിധിയിലെ എസ്എസ് റോഡിലെ ഡിലൈറ്റ്, ചിറക്കര പള്ളിത്താഴയിലെ ഷാജഹാൻ എന്നിവരുടെ പൂട്ടിയിട്ട വീടുകളിലാണ് മോഷണ ശ്രമം.മുഖം മറച്ച്, കമ്പിപ്പാരയുമായ് എത്തിയ മോഷ്‌ടാവിന്റെ ദൃശ്യം സിസിടിവിയിൽ പതിഞ്ഞിരുന്നു .

ഒരു മാസം മുമ്പ് ചിറക്കരയിൽ വയോധികയെ കത്തി കാട്ടി ഭീഷണിപ്പെടുത്തി സ്വർണവും പണവും മോഷ്ടിക്കുകയും സമീപത്തെ നിരവധി വീടുകളിൽ കയറുകയും ചെയ്തിരുന്നു. തുടർച്ചയായി മോഷണവും മോഷണ ശ്രമങ്ങളും നടന്നു വെങ്കിലും ഇവരെ പിടികൂടാൻ കഴിയാത്തത് വലിയ പ്രതിഷേധത്തിന് ഇടയാക്കുകയാണ്.

പിണറായി കൺവെൻഷൻ സെന്ററിലും പ്രത്യേകം സജ്ജമാക്കിയ ഓപ്പൺ ഓഡിറ്റോറിയത്തിലുമാണ് പരിപാടി
നടക്കുന്നത്. മെയ് എട്ടിന് വൈകിട്ട് ആറിന് സിനിമാ നടൻ മധുപാൽ കൺവെൻഷൻ സെൻ്ററിന് സമീപം കൊടി ഉയർത്തുന്നതോടെ പിണറായി പെരുമയ്ക്ക് തുടക്കമാവും.
തുടർന്ന് 6.30 കൺവെൻഷൻ സെന്ററിൽ ‘കവിയും കവിതയും’ പരിപാടിയിൽ ആലങ്കോട് ലീലാ കൃഷ്ണന്റെ കവിതാ അവതരണത്തോടുകൂടി കലാ പെരുപാടികൾ ആരംഭിക്കും.
21ന് രാത്രി 7.30 ന് സമാപന സമ്മേളനം മുഖ്യമന്ത്രി പിണറായി വിജയൻ ഉദ്ഘാടനംചെയ്യും.

വാർത്താ സമ്മേളനത്തിൽ പിണറായി പെരുമ ജനറൽ കൺവീനർ അഡ്വ. വി പ്രദീപൻ, പി എം അഖിൽ, കെ യു ബാലകൃഷ്ണൻ നിഖിൽകുമാർ, വി ജനാർദനൻ എന്നിവർ പങ്കെടുത്തു.

പിണറായി പെരുമ പ്രചാരണത്തിന്റെ ഭാഗമായി വനിതകളുടെ ഇരുചക്ര വാഹനറാലി സംഘടിപ്പിച്ചു. പിണറായി ടൗണിൽ റാലി അന്തർദേശീയ ഫെൻസിങ് താരം എസ് ജി ആർച്ച ഫ്ലാഗ് ഓഫ് ചെയ്തു. പി ജസിന അധ്യക്ഷയായി. അന്തർദേശീയ ഫെൻസിങ് താരം കെ പി ഗോപിക, കെ ശാരിക എന്നിവർ സംസാരിച്ചു. ചടങ്ങിൽ പിണറായി പെരുമ ജനകീയ നിധിയിലേക്ക് റിസപ്ഷൻ കമ്മിറ്റി സംഭാവന ചെയ്യുന്ന പതിനായിരം രൂപ ടി ആർ വിധു പെരുമ ജനറൽ കൺ വീനർ വി പ്രദീപന് കൈമാറി.

തലശേരി :എരഞ്ഞോളി പാലത്ത് ക്ഷേത്ര ഉത്സവത്തിനിടെ സി.പി.എം- ബി.ജെ.പി പ്രവർത്തകർ തമ്മിലുണ്ടായ സംഘട്ടനത്തിൽ അഞ്ചു പേർക്ക് പരിക്ക്.

ഒരു വീടിന് നേരെയും ആക്രമണമു ണ്ടായി. സംഭവവുമായി ബന്ധപ്പെട്ട് ഇരുവിഭാഗ ത്തിലുംപെട്ട 14 പേർക്കെതിരെ പോലീസ് കേസെടുത്തു. ക്ഷേത്രത്തിലെ ഉത്സവത്തിന്റെ ഭാഗമായുള്ള കലശം വരവ് കഴിഞ്ഞശേഷമാണ് ഇരുവിഭാഗവും ഏറ്റു മുട്ടിയത്.

ഡി.വൈ.എഫ്.ഐ തലശേരി മേഖലാ കമ്മിറ്റിയംഗം കെ.പി അമൽരാജ് (24), പാട്യം കോങ്ങാറ്റ യിലെ സുബിൻരാജ് (20), ആറാംമൈൽ സൗഹൃദത്തിൽ തേജസ് (20) എന്നീ സി.പി.എം പ്രവർത്തകർക്കാണ് പരിക്കേറ്റത്.

ബി.ജെ.പി പ്രവർത്തകരായ കച്ചുമ്പുറത്ത് താഴെയിലെ ഷമിത നിവാസിൽ ശരത്ത് (28), അക്ഷയ് (20) എന്നിവർക്കും പരിക്കുണ്ട്. സി.പി.എം പ്രവർത്തകർ തലശേരി സഹകരണാശുപത്രിയിലും ബി.ജെ.പി പ്രവർത്തകർ മഞ്ഞോടി ഇന്ദിരാഗാന്ധി സഹകരണാശുപത്രിയിലും ചികിത്സയിലാണ്. ഇതിനുശേഷ മാണ് ബി.ജെ.പി പ്രവർത്തകനായ മണേ പുളിക്കൽ പ്രകാശന്റെ വീട്ടിൽ അതിക്രമമുണ്ടായത്. രണ്ട് ജനൽചില്ലുകളും, ഫൈബർ കസേരകളും അടിച്ചുതകർക്കുകയായിരുന്നു.

സംഭവത്തിൽ 3 ഡിവൈഎഫ്ഐ പ്രവർത്തകർക്കെതിരെ കേസുണ്ട്. ഡി.വൈ.എഫ്.ഐ പ്രവർത്തകൻ അമൽരാജിന്റെ പരാതിയിൽ ബി.ജെ.പിക്കാരായ 5 പേർക്കെതിരെയാണ് കേസ്. ബി.ജെ.പി
പ്രവർത്തകനായ ശരത്തിൻ്റെ പരാതിയിൽ സി പി എം പ്രവർത്തകരായ 4 പേർക്കെതിരെയും കേസെടുത്തു

തലശേരി:ഒമ്പതാമത് സംസ്ഥാന സബ് ജൂനിയർ ഗേൾസ് ഹോക്കി ചാമ്പ്യൻ ഷിപ്പിൽ കൊല്ലം സായി ചാമ്പ്യന്മാർ. ഏകപക്ഷീയമായ മൂന്ന് ഗോളിന് എറണാകുളം ജില്ലയെയാണ് പരാജയപ്പെടുത്തിയത്. സായിക്കുവേണ്ടി ഡി ലക്ഷ്മി രണ്ടും ദീപികാ ദാസ് ഒരു ഗോളും നേടി. ലൂസേഴ്‌സ് ഫൈനലിൽ തിരുവനന്തപുരം ജിവി രാജയെ സഡൻ ഡെത്തിൽ ഒന്നിനെതിരെ രണ്ട് ഗോളിന് തകർത്ത് തിരുവനന്തപുരം ജില്ല മൂന്നാമതെത്തി. തിരുവനന്തപുരത്തിന് വേണ്ടി എ എസ് അഭയജ്യോതി രണ്ട് ഗോൾ നേടിയപ്പോൾ ജി വി രാജയുടെ ആശ്വാസ ഗോൾ നയന അന്ന സജിയുടെ വകയായിരുന്നു.

ചാമ്പ്യൻഷിപ്പിലെ മികച്ച താരമായി സായി കൊല്ലം ടീമിൻ്റെ രേഷ്മ സമദ് തെരഞ്ഞെടുക്കപ്പട്ടു. മികച്ച ഗോൾ കീപ്പറായി എറണാകുളം ണാകുളത്തിൻ്റെ ബി സോന മോളും മികച്ച പ്രതിരോധ താരമായി എറണാകുളത്തിന്റെ എയ്ഞ്ചൽ എൽഡിറ്റോവും പ്രോമിസിങ് താരമായി തിരുവനന്തപുരത്തിൻ്റെ സി മല്ലികയും തെരഞ്ഞെടുക്കപ്പെട്ടു. കൂടുതൽ ഗോൾ നേടിയ കളിക്കാരിക്കുള്ള പുരസ്കാരം സായി കൊല്ലത്തിൻ്റെ ഡി ലക്ഷ്മി നേടി. സ്പീക്കർ എ എൻ ഷംസീർ ട്രോഫിയും പുരസ്കാരങ്ങളും നൽകി.

കണ്ണൂർ ഹോക്കി പ്രസിഡൻ്റ് ഹാഷിർ പി അധ്യക്ഷനായി. കേരള ളാ ഹോക്കി പ്രസിഡന്റ് വി സുനിൽകുമാർ, ജില്ലാ സ്പോർട്‌സ് കൗൺസിൽ പ്രസിഡൻ്റ് കെ കെ പവിത്രൻ, കെ വി ഗോകുൽ ദാസ് എന്നിവർ സംസാരിച്ചു. റോയ് റോബർട്ട് സ്വാഗതവും സുധീർ കക്കറക്കൽ നന്ദിയും പറഞ്ഞു.