കണ്ണൂർ: സംസ്ഥാന നേതൃത്വത്തിന്റെ തീരുമാന പ്രകാരം കെ കെ ജയചന്ദ്രൻ ഉടുമ്പൻചോലയില് സ്ഥാനാർഥിയായേക്കും, ഇതോടെ ജില്ലാ നേതൃത്വത്തിന്റെ ശക്തമായ പിന്തുണയുണ്ടായിരുന്ന എം.എം.മണിക്ക് ഉടുമ്പൻചോലയില് സീറ്റില്ല. കെ.കെ ജയചന്ദ്രൻ സ്ഥാനാർഥിയാകും.
കണ്ണൂർ പേരാവൂരില് കെ കെ ശൈലജ തന്നെ സിപിഐഎം സ്ഥാനാർഥി. സിപിഐഎം സംസ്ഥാന സെക്രട്ടറിയേറ്റിലാണ് തീരുമാനം.
തളിപ്പറമ്പില് സംസ്ഥാന സെക്രട്ടറി എം വി ഗോവിന്ദൻ മാസ്റ്ററുടെ ഭാര്യ പി കെ ശ്യാമളയും, കോഴിക്കോട് പേരാമ്പ്രയില് ടി പി രാമകൃഷ്ണനും മത്സരിക്കും. തലശ്ശേരിയില് കാരായി രാജനെ തന്നെ മത്സരിപ്പിക്കാൻ സിപിഐഎം സെക്രട്ടറിയേറ്റ് തീരുമാനിച്ചു.
ജനാധിപത്യ മഹിളാ അസോസിയേഷന് കണ്ണൂര് ജില്ലാ സെക്രട്ടറിയും, സംസ്ഥാന ജോയിന്റ് സെക്രട്ടറിയുമാണ് ശ്യാമള. ആന്തൂര് നഗരസഭ ചെയര്പേഴ്സണുമായിരുന്നു.പാര്ട്ടി സംസ്ഥാന സെക്രട്ടറി എം വി ഗോവിന്ദന്റെ ഭാര്യ പി കെ ശ്യാമളയാണ് സ്ഥാനാര്ത്ഥി.
എം വി ഗോവിന്ദന് ഒഴിയുന്ന സീറ്റാണ് ഭാര്യയ്ക്ക് നല്കുന്നത്.പ്രാദേശിക തലത്തില് നിന്നും ചെറിയ എതിര്പ്പ് ഉയര്ന്നെങ്കിലും തളിപ്പറമ്പില് ജില്ലാ നേതൃത്വം മുന്നോട്ടു വെച്ച സ്ഥാനാര്ത്ഥിയെ മാറ്റേണ്ടതില്ലെന്ന് തീരുമാനിക്കുകയായിരുന്നു
ഉടുമ്പൻചോലയില് വിജയ സാധ്യത പരിഗണിച്ച് ജില്ലാ നേതൃത്വം സംസ്ഥാന നേതൃത്വത്തിന് നല്കിയത് എം എം മണിയുടെ പേര് മാത്രമായിരുന്നു. വിജയ സാധ്യത കൂടുതല് എംഎം മണിക്കാണെന്നും എംഎം മണി അല്ലെങ്കില് തിരിച്ചടി ഉണ്ടാകുമെന്നും ഇടുക്കി ജില്ലാ നേതൃത്വം പറയുന്നു.
എംഎം മണിയുടെ പ്രസംഗംങ്ങള് പാർട്ടിക്ക് പ്രതിസന്ധി ഉണ്ടാക്കുമോ എന്നും സംസ്ഥാന നേതൃത്വത്തിന് ആശങ്ക. കഴിഞ്ഞ തദ്ദേശ തിരഞ്ഞെടുപ്പിലെ കണക്കുകള് പരിശോധിക്കുമ്പോള് കുത്തക മണ്ഡലമായ ഉടുമ്പൻചോലയില് തിരിച്ചടിയുണ്ടാകുന്ന സാഹചര്യമായിരുന്നു.
ഇത് മറികടക്കണമെങ്കില് എംഎം മണിയെപ്പോലെ ശക്തനായ സ്ഥാനാർഥി വരണമെന്നാണ് ജില്ലാ നേതൃത്വത്തിന്റെ അഭിപ്രായം. ഇതിന്റെ അടിസ്ഥാനത്തിലാണ് എംഎം മണിയെന്ന ഒറ്റപ്പേരിലേക്ക് ജില്ലാ നേതൃത്വം പോയത്. തുടർന്ന് പ്രചാരണം തുടങ്ങുകയും ചെയ്തിരുന്നു. എന്നാല് കെ.കെ ജയചന്ദ്രനെ തന്നെ മത്സര രംഗത്തിറക്കാനാണ് സംസ്ഥാന നേതൃത്വത്തിന്റെ തീരുമാനം.
നാളെ ചേരുന്ന സിപിഐഎം സംസ്ഥാന കമ്മിറ്റിയാണ് സ്ഥാനാര്ത്ഥി പട്ടികയ്ക്ക് അംഗീകാരം നല്കുക.
