കണ്ണൂർ: കണ്ണൂരിൽ ട്രാഫിക് ഡ്യൂട്ടിക്കിടെ നിൽക്കുകയായിരുന്ന പൊലിസുകാരന് നേരെ കാർ ഇടിച്ചു കയറ്റി എസ്ഐയ്ക്ക് പരിക്കേറ്റു.
വളപട്ടണം എസ്ഐ ടി.എം വിപിനാണ് പരിക്കേറ്റത്. സംഭവത്തിൽ കണ്ണൂർ മാടായി സ്വദേശി ഫായിസ്, മാട്ടൂൽ സ്വദേശി നിയാസ് എന്നിവർ പൊലിസ് പിടിയിലായി.
എസ്ഐയെ ഇടിച്ച്‌ ബോണറ്റിൽ കയറ്റിയ കാർ ഒരു ഓട്ടോയിലും മതിലിലും ഇടിച്ചാണ് നിന്നത്. ഇന്നലെ രാത്രിയാണ് സംഭവം.
വളപട്ടണം പാലത്തിന് സമീപം അപകടകരമായ രീതിയിൽ കാർ ഓടിച്ചു വന്നിരുന്ന യുവാക്കളെ പൊലിസ് തടയുകയായിരുന്നു. എന്നാൽ കാർ നിർത്താതെ പോയി എസ്ഐയെ ഇടിക്കുകയായിരുന്നു.
പരിക്കേറ്റ പൊലിസ് ഉദ്യോഗസ്ഥന് തലനാരിഴയ്ക്കാണ് രക്ഷപ്പെട്ടത്. അറസ്റ്റിലായ യുവാക്കള്ക്ക് ലൈസൻസ് ഉണ്ടായിരുന്നില്ലെന്നതും പരിശോധനയിൽ കണ്ടെത്തി. ഇരുവരേയും കോടതിയിൽ ഹാജരാക്കി റിമാൻഡ് ചെയ്തു.
