കണ്ണൂർ: ടി ഐ മധുസൂദനൻ എംഎൽഎ പയ്യന്നൂർ മണ്ഡലത്തിൽ നടപ്പിലാക്കി വരുന്ന സമഗ്ര വിദ്യാഭ്യാസ പദ്ധതിയായ സ്‌റ്റെപ്‌സിന്റെ നേതൃത്വത്തിൽ എസ്എസ്എൽസി, പ്ലസ് വൺ, പ്ലസ് ടു പരീക്ഷയ്ക്ക് തയ്യാറെടുക്കുന്ന വിദ്യാർഥികൾക്ക് അതത് വിഷയങ്ങളുടെ സംശയ നിവാരണത്തിനും പരീക്ഷ സംബന്ധമായ മാനസിക സമ്മർദ്ദം പരിഹരിക്കുന്നതിനുള്ള കൗൺസിലിങിനുമായി "ഹാപ്പി എക്‌സാം' എന്ന പേരിൽ ഓൺലൈൻ ഹെൽപ് ഡസ്‌കിന് തുടക്കമായി.
കരിവെള്ളൂർ എ വി സ്‌മാരക ഗവ. ഹയർസെക്കൻഡറി സ്കൂളിൽ ജില്ല കലക്ടർ അരുൺ കെ വിജയൻ മണ്ഡലംതല ഉദ്ഘാടനം നിർവഹിച്ചു. ടി ഐ മധുസൂദനൻ എംഎൽഎ അധ്യക്ഷനായി. സി വി രാജു മാസ്റ്റർ പദ്ധതി വിശദീകരിച്ചു.
കരിവെള്ളൂർ-പെരളം ഗ്രാമപഞ്ചായത്ത് പ്രസിഡണ്ട് എ വി ലേജു, വൈസ് പ്രസിഡന്റ് ടി ഗോപാലൻ, ആരോഗ്യ വിദ്യാഭ്യാസ സ്ഥിരം സമിതി ചെയർപേഴ്സൺ എ ഷീജ, ക്ഷേമകാര്യ സ്ഥിരം സമിതി ചെയർമാൻ സി ബാലകൃഷ്ണൻ, ഗ്രാമപഞ്ചായത്ത് അംഗങ്ങളായ പി വി കുഞ്ഞിക്കണ്ണൻ, പ്രഭാവതി, സമഗ്ര വിദ്യാഭ്യാസ പദ്ധതി കോ ഓർഡിനേറ്റർ യു വി സുഭാഷ്, സ്കൂൾ പ്രിൻസിപ്പൽ രഞ്ജിത്ത്, പ്രധാനധ്യാപിക പി മിനി, പിടിഎ പ്രസിഡണ്ട് കെ രമേശൻ, ഡയറ്റ് ഫാക്കൽറ്റി രാകേഷ് എന്നിവർ സംസാരിച്ചു.