കണ്ണൂർ: പ്രഭാത് ജംഗ്ഷൻ പരിസരത്ത് സ്കൂള് വിദ്യാർത്ഥികള്ക്ക് നിരോധിത ഇ-സിഗരറ്റുകളും മറ്റ് പുകയില ഉല്പ്പന്നങ്ങളും വില്പ്പന നടത്തുന്നുണ്ടെന്നുള്ള രഹസ്യ വിവരത്തെ തുടർന്ന് കണ്ണൂർ ടൗണ് സബ് ഇൻസ്പെക്ടർ വിപിൻ ടി.എമ്മിന്റെ നേതൃത്വത്തിലുള്ള പോലീസ് സംഘമാണ് കടയില് പരിശോധന നടത്തിയത്.
പോലീസിന്റെ വിശദമായ തിരച്ചിലില് കടയ്ക്കുള്ളില് ഒളിപ്പിച്ച നിലയില് വൻതോതില് വിദേശ സിഗരറ്റുകളും ഇ-സിഗരറ്റുകളും കണ്ടെത്തുകയായിരുന്നു. പ്രമുഖ ബ്രാൻഡുകളുടെ ഒട്ടേറെ വിദേശ സിഗരറ്റ് പാക്കറ്റുകള് വിവിധ ഇനം നിരോധിത ഇ-സിഗരറ്റുകള് എന്നിവ പോലീസ് പിടിച്ചെടുത്തിട്ടുണ്ട്.
സി.പി.ഒമാരായ കിരണ്, രേഷ്മ എന്നിവരും ഡാൻസാഫ് ടീം അംഗങ്ങളും പരിശോധനാ സംഘത്തില് ഉണ്ടായിരുന്നു. കൂത്തുപറമ്പ് എലിപ്പറ്റച്ചിറ സ്വദേശി എൻ. അബൂട്ടി (68) എതിരെ കണ്ണൂർ ടൗണ് പോലീസ് കേസ് രജിസ്റ്റർ ചെയ്തു അന്വേഷണം ആരംഭിച്ചു.
