ചിത്രരശ്മി ബുക്സ് പ്രസിദ്ധീകരിക്കുന്ന "ഗാന്ധി മുതൽ കലാം വരെ"എന്ന പുസ്തകത്തിന്റെ കവർ പ്രകാശനം ചെയ്തു.

കണ്ണൂർ : മലപ്പുറം താനൂർ കേന്ദ്രമായി പ്രവർത്തിക്കുന്ന ചിത്രരശ്മി ബുക്സ് പ്രസിദ്ധീകരിക്കുന്ന ദേശീയ മാനവിക സൗഹൃദവേദി ജില്ലാ പ്രസിഡന്റ്‌ പ്രദീപൻ തൈക്കണ്ടിയുടെ "ഗാന്ധി മുതൽ കലാം വരെ" എന്ന പുസ്തകത്തിന്റെ കവർ പ്രകാശനം ചെയ്തു. കേരള സാഹിത്യ അക്കാദമി പ്രസിഡണ്ടും ദേശീയ മാനവിക സൗഹൃദവേദി സംസ്ഥാന അധ്യക്ഷനുമായ കെ സച്ചിദാനന്ദൻ പ്രകാശന കർമ്മം നിർവഹിച്ചു.എഴുത്തുകാരൻ ബഷീർ പെരുവളത്ത് പറമ്പ് ഏറ്റുവാങ്ങി.സ്വാതന്ത്ര്യ സമര പോരാളികളെയും അറിയപ്പെട്ടതും അറിയപ്പെടാത്തതുമായ ദേശീയ നേതാക്കളെയും നവോത്ഥാന നായകരെയും പുതു തലമുറക്ക് പരിചയപ്പെടുത്തുന്നതാണ് പുസ്തകം.വേങ്ങാട് സാന്ത്വനം ട്രസ്റ്റിന്റെ ആഭിമുഖ്യത്തിൽ സംഘടിപ്പിച്ച ചടങ്ങിൽ പി.എസ്.സി. മുൻ അംഗം കെ.എം. മോഹനൻ, കെ കെ ഗംഗാധരൻ,പി കെ ലളിത, ഇ കെ.സിറാജ്, ഡോ.ശ്യാമള മാണിച്ചേരി,ഡോ.വി ഗണേഷ്, ഡോ. കെ പി നിധീഷ്,കെ.പി. ലക്ഷ്മണൻ തുടങ്ങിയവർ സംബന്ധിച്ചു.