ചേലേരി: ചേലേരിയിലും പള്ളിപ്പറമ്പ് പരിസരപ്രദേശത്തും തെരുവ് നായയുടെ ആക്രമണത്തിൽ നിരവധി പേർക്ക് പരിക്ക്. ചേലേരി സ്കൂൾ വിട്ട് മടങ്ങിയ വിദ്യാർഥിക്ക് പരിക്കേറ്റു. മുഖത്ത് ഉൾപ്പെടെ സാരമായി പരിക്കേറ്റ വിദ്യാർഥി പരിയാരം മെഡിക്കൽ കോളേജിൽ ചികിൽസയിലാണ്. ഉമ്മയോടൊപ്പം വരുന്നതിനിടെയാണ് ആക്രമിച്ചത്. കൊളച്ചേരി പറമ്പ് പൊതുശ്മശാനത്തിന് സമീപവും ആക്രമണം ഉണ്ടായി.
