മാട്ടൂൽ :മടക്കരയിൽ തെരുവുനായകൾ ആടുകളെ കടിച്ചുകൊന്നു. മടക്കര ചെറാക്കോട്ടെ ഫാമിലെ ആറ് ആടുകളെയാണ് കൊന്നത്. കഴിഞ്ഞദിവസം വൈകിട്ടാണ് കൂട്ടമായെത്തിയ നായകൾ ആടുകളെ കൊന്നത്. മാട്ടൂൽ സ്വദേശി ഡോ. സൈനുൽ ആബിദിൻ്റെ ഉടമസ്ഥതയിലുള്ള മടക്കര ചിറാക്കോട് ഫാമിലേതാണ് ആടുകൾ. ഫാമിൽ പുതിയ കൂട് നിർമിക്കുന്നതിനാൽ ആടുകളെ സമീപത്ത് മേയാൻ കെട്ടിയതായിരുന്നു. ആടുകളുടെ കഴുത്ത് കടിച്ചുപറിച്ച നിലയിലാണ്. സംഭവസ്ഥലത്തു തന്നെ മുഴുവൻ ആടുകളും ചത്തു. രണ്ടാഴ്ച മുമ്പ് മാട്ടൂൽ നോർത്തിലും മൂന്ന് ആടുകളെ തെരുവുനായകൾ കടിച്ചു കൊന്നിരുന്നു
