എടക്കാട് : ദേശീയപാത പൂർത്തിയാകുന്നതോടെ തോട്ടട വഴി നടാൽ ഗേറ്റ് കടന്നുപോകുന്ന ബസുകളുൾപ്പെടെയുള്ള വാഹനങ്ങൾക്ക് ഗതാഗതസൗകര്യമൊരുക്കണമെന്നാവശ്യപ്പെട്ട് കണ്ണൂർ-തലശ്ശേരി റൂട്ടിൽ സ്വകാര്യബസുകൾ വ്യാഴാഴ്ച മുതൽ പണിമുടക്കും. നടാലിൽ നിന്ന് പ്രകടനവും ഒ.കെ.യു.പി. സ്കൂളിന് സമീപത്ത് റോഡ് ഉപരോധവുമുണ്ടാകും. കെ.സുധാകരൻ എം.പി. ഉദ്ഘാടനം ചെയ്യും. ഒ.കെ.യു.പി. സ്കൂളിന് സമീപം അടിപ്പാത നിർമിച്ച് പ്രശ്നപരിഹാരമുണ്ടാക്കണമെന്ന് കർമസമിതി ഭാരവാഹികളും സംയുക്ത സമരസമിതിയും ആവശ്യപ്പെട്ടു.
